Апякунская Рада аб’ядноўвае грамадскіх дзеячаў, прадстаўнікоў яўрэйскіх арганізацый, нашчадкаў вязняў Навагрудскага гета, гісторыкаў і мецэнатаў, якія садзейнічаюць захаванню гістарычнай памяці, развіццю музея і рэалізацыі яго адукацыйнай і мемарыяльнай місіі.
Апякунская Рада знаходзіцца ў стадыі фарміравання. Склад Рады будзе апублікаваны па меры завяршэння працэдуры яе фарміравання і атрымання згоды членаў на размяшчэнне інфармацыі на сайце.
Чарльз Кушнер
Надзвычайны і Паўнамоцны Пасол Злучаных Штатаў Амерыкі ў Французскай Рэспубліцы і Княстве Манака
Чарльз Кушнер у цяперашні час займае пасаду Надзвычайнага і Паўнамоцнага Пасла Злучаных Штатаў Амерыкі ў Французскай Рэспубліцы і Княстве Манака.
Ён з’яўляецца заснавальнікам і старшынёй савета дырэктараў кампаніі Kushner Companies — аднаго з вядучых амерыканскіх дэвелапераў, які валодае і кіруе больш чым 30 000 шматкватэрных жылых аб’ектаў і некалькімі мільёнамі квадратных футаў камерцыйнай нерухомасці.
Атрымаў ступені бакалаўра і магістра дзелавога адміністравання ў Нью-Ёркскім універсітэце (New York University), а таксама ступень доктара права ў Юрыдычнай школе Універсітэта Хофстра (Hofstra Law School).
Па прызначэнні Прэзідэнта ЗША Біла Клінтана ўваходзіў у склад Рады Мемарыяльнага музея Халакосту ЗША (United States Holocaust Memorial Council). Таксама па прызначэнні губернатара штата Нью-Джэрсі Джэймса Макгрыві быў камісарам Партовага ўпраўлення Нью-Ёрка і Нью-Джэрсі.
На працягу многіх гадоў уваходзіў у склад апякунскай рады і кіруючыя органы Нью-Ёркскага ўніверсітэта, Універсітэта Хофстра, Каледжа Туро, Жаночага каледжа Стэрн, Нацыянальнай Яйрэйскай арганізацыі аховы здроўя і вадаправоднай кампаніі Элізабеттауна.
Узнагароджаны ганаровымі ступенямі доктара Каледжа Туро і Універсітэта Ешыва. Таксама стаў лаўрэатам прэміі Ernst & Young «Прадпрымальнік года» ў штаце Нью-Джэрсі і атрымаў узнагароды ад Аб’яднанай арганізацыі па барацьбез цэрэбральным паралічом (United Cerebral Palsy), Амерыканскага Яўрэйскага Кангрэса (American Jewish Congress) і медыцынскага цэнтра Shaare Zedek.
Разам з жонкай Сірыл Кушнер выхаваў чацвярых дзяцей і мае чатырнаццаць унукаў. Сям’я і дабрачынная дзейнасць займаюць асаблівае месца ў іх жыцці.
Рыгор Сямёнавіч Абрамовіч
Галоўны рабін Рэлігійнага Аб’яднання Абшчын Прагрэсіўнага Іудаізму ў Рэспубліцы Беларусь
Ён з’яўляецца духоўным лідэрам, настаўнікам, актыўным удзельнікам міжканфесіянальнага дыялога ў краіне, а таксама кіраўніком Цэнтра Прагрэсіўнага Іудаізму “Бейт Сімха” ў Мінску.
Пражывае ў Рэспубліцы Беларусь
Шауль Хабаба
Шауль Хабаба з’яўляецца галоўным рабінам г. Бабруйска з 2011 года і адным з найбольш вядомых рэлігійных і грамадскіх дзеячаў сярод яўрэйскіх абшчын Беларусі. Ён узначальвае мясцовую іудзейскую супольнасць і актыўна ўдзельнічае ў праектах, накіраваных на захаванне яўрэйскай гістарычнай і культурнай спадчыны.
Пад яго кіраўніцтвам была праведзена рэстаўрацыя гістарычнай Бабруйскай сінагогі, створаны музей гісторыі яўрэйскай абшчыны рэгіёна, рэалізаваны ініцыятывы па захаванні яўрэйскіх пахаванняў і памятных мясцін, а таксама праекты, прысвечаныя гісторыі Халакосту і жыццю яўрэяў у Беларусі.
Шауль Хабаба актыўна падтрымлівае адукацыйныя, культурныя і мемарыяльныя праграмы, садзейнічае развіццю міжканфесійнага дыялога.
Пражывае ў Рэспубліцы Беларусь.
Майкл Каган
Сын Джэка Кагана, вязня Навагрудскага гета, удзельніка ўцёкаў праз тунэль і партызана атрада Бельскага.
Майкл Каган прадстаўляе сям’ю Каганаў і працягвае справу свайго бацькі, Джэка Кагана.
Джэк Каган прысвяціў сваё жыццё захаванню памяці аб даваеннай яўрэйскай абшчыне Навагрудка і выдатных падзеях, сведкам якіх яму давялося стаць. Праз свае кнігі, публічныя выступленні і асветніцкую дзейнасць ён унёс значны ўклад у захаванне гісторыі Навагрудскага гета, уцёкаў праз тунэль і супраціўлення яўрэяў у гады Другой сусветнай вайны.
Майкл Каган з’яўляецца супрадзюсэрам двух дакументальных фільмаў, прысвечаных падзеям Халакосту ў Навагрудку: самым паспяховым уцёкам праз тунэль і знішчэнню яўрэйскай абшчыны горада. Ён таксама з’яўляецца аўтарам п’есы, прысвечанай свайму бацьку і гісторыі ўцёкаў.
Пражывае ў Іерусаліме, Ізраіль.
Барыс Кроцін
Бізнесмен і мецэнат, заснавальнік і Генеральны дырэктар СП ТАА «Леор Пластык», падтрымлівае праекты, накіраваныя на захаванне памяці пра гісторыю яўрэяў г. Навагрудка, Халакост і супраціўленне.
У пачатку 1990-х ён падтрымаў ініцыятыву Джэка Кагана і дапамог устанавіць гранітныя помнікі ў чатырох месцах масавых расстрэлаў яўрэяў г. Навагрудка і наваколля. У 2007 г. прымаў непасрэдны ўдзел у стварэнні экспазіцыі Музей Яўрэйскага Супраціўлення ў былым бараку гета.
У 2025 г. падтрымаў стварэнне яўрэйскай абшчыны ў г. Навагрудку.
Жыве ў г. Навагрудку.
Яўген Мельцэр
Міжнародны юрыст
Міжнародны юрыст, нашчадак удзельнікаў беларускага партызанскага руху, які пражывае ў Чыкага (ЗША), унук Айзіка Рафаілавіча Мельцэра, намесніка камандзіра яўрэйскага партызанскага атрада №106 і Эміліі Уладзіміраўны Мельцэр, партызанкі гэтага атрада.
Яўген Мельцэр прысвяціў сябе захаванню яўрэйскай спадчыны і гістарычнай памяці як у Беларусі, так і за яе межамі. Ён актыўна ўдзельнічае ў ініцыятывах, накіраваных на вывучэнне і захаванне гісторыі яўрэйскага народа, культурнай спадчыны Беларусі, памяці пра Халакост і яўрэйскі партызанскі рух.
Асаблівую ўвагу ён надае захаванню сведчанняў і сямейных гісторый удзельнікаў 106-га партызанскага атрада, падтрымліваючы сувязь з партызанамі і іх нашчадкамі, а таксама садзейнічае захаванню іх спадчыны для будучых пакаленняў.
Яўген Мельцэр падтрымлівае праекты ў галіне гістарычных даследаванняў, адукацыі, мемарыялізацыі Халакосту і захавання памяці аб яўрэйскім супраціўленні ў гады Другой сусветнай вайны.
Пражывае ў Штаце Ілінойс, ЗША
Ігар Аляксандравіч Марзалюк
Вядомы беларускі гісторык, археолаг, доктар гістарычных навук, прафесар і член-карэспандэнт Нацыянальнай акадэміі навук Беларусі.
Ён з’яўляецца дэпутатам Палаты прадстаўнікоў Нацыянальнага сходу Рэспублікі Беларусь і старшынёй Пастаяннай камісіі па адукацыі, культуры і навуцы.
Навуковыя інтарэсы Ігара Марзалюка звязаны з археалогіяй, этнічнай гісторыяй Беларусі, гісторыяй беларускай дзяржаўнасці, а таксама вывучэннем складаных старонак гісторыі Беларусі ў гады Другой сусветнай вайны.
Аўтар навуковых і навукова-папулярных працаў па гісторыі Беларусі, пытаннях нацыянальнай ідэнтычнасці, дзяржаўнасці і гістарычнай памяці.
Пражывае ў Рэспубліцы Беларусь.
Брэндон Рэннерт
Брэндон Рэннерт – унук Тувіі Бельскага, камандзіра легендарных партызан атрада Бельскага, які разам са сваімі братамі выратаваў больш за 1250 яўрэяў падчас Халакосту ў акупаванай нацыстамі Беларусі. Ён прысвяціў сябе захаванню спадчыны сваёй сям’і праз асвету пра Халакост, публічныя выступленні і праграмы падрыхтоўкі настаўнікаў па ўсёй тэрыторыі Злучаных Штатаў. Брэндон таксама ўнёс значны ўклад у стварэнне перасоўнай выставы ў Музеі Халакоста ў Фларыдзе – “Мужнасць і спагада: спадчына братоў Бельскіх”.
Пражывае ў Тампе, штат Фларыда, ЗША.
Яўген Сямёнавіч Розенблат
Кандыдат гістарычных навук, дацэнт Брэсцкага дзяржаўнага ўніверсітэта імя А. С. Пушкіна, вядучы даследчык гісторыі Халакосту ў Беларусі.
У сферу яго навуковых інтарэсаў уваходзяць археалогія, этнічная гісторыя Беларусі, гісторыя беларускай дзяржаўнасці і вывучэнне складаных гістарычных пытанняў, якія датычацца Беларусі падчас Другой сусветнай вайны.
Ён з’яўляецца аўтарам шматлікіх навуковых і навукова-папулярных прац, прысвечаных беларускай гісторыі, нацыянальнай ідэнтычнасці, дзяржаўнасці і гістарычнай памяці.
Жыве ў Беларусі.
Андрэй Валер’евіч Запольскі
Амерыканскі прадпрымальнік беларускага паходжання, інвестар, мецэнат і даследчык. Заснавальнік кампаніі Wurtland Oil Works LLC (Kentucky, USA) і аўтар ідэі і праекта адраджэння першага ў Беларусі парка сярэднявечнай гісторыі “Сула”.
Ён з’яўляецца ініцыятарам і мецэнатам культурных, мульцікультурных і рэлігійных праектаў, накіраваных на захаванне гістарычнай памяці і культурнай спадчыны ў Беларусі, Еўропе і Злучаных Штатах.
Ініцыятар стварэння і галоўны донар Мемарыяльнага музея Халакосту і яўрэйскага супраціўлення ў Навагрудку
Пражывае ў штаце Кентукі, ЗША